Kini ang gikumpirma sa DXDC RMN Davao ni Police Senior Master Sergeant (PSMS) Romel delos Santos, personahe sa Digos City Police Station.
Ang suspek nailang si Eusebio Belegolo, 48 anyos, ulitawo ug residente sa nahisgutang lugar, diin kini giingong adunay deperesya sa pangisip.
Subay sa imbestigasyon, ala 1:30 sa hapon sa maong adlaw, sa dihang kalit nga nag amok ug nanigbas ang suspek gamit ang lagaraw, ngadto sa mga biktima nga mga menor nga 15 anyos ug 16 anyos, ug usa ka hamtong.
Ang mga biktima nakahiagom og daghang samad tinigbasan sa ilahang lawas, nga daling gidala sa ospital.
Gilayon usab sa nadakpan ang suspek alas 2:00 sa hapon sa susamang adlaw, ug nakumpiska gikan sa iyang posisyon ang lagaraw.
Anaa na karon sa Digos City Police Station ang suspek nga gikatakdang mag-atubang og tukmang kaso.
RadyoMaN Kirby Manzon
