Aurora, Zamboanga del Sur – Malampusong nadakpan sa kapulisan sa Aurora pinaagi sa buy bust operation ang duha ka mga suspetsado nga napayuhot sa ginadiling droga kaniadtong nakalabayng gabie sa Purok 1, Barangay Anonang Aurora ZDS,
Giila sa mga kapulisan ang duha ka mga drug suspek nga sila si as Raffy Arcilla Caputol aka “Raf-Raf” ug Johnrey Gloria Macahis aka “Kalbo”.
Narekober gikan kang Johnrey Gloria Macahis alyas “Kalbo ang 4 ka pakete sa gitoohang shabu nga gibana-banang anaa sa 0.50 gramos ug mobalor sa 4 mil pesos og ingon man ang 6 ka pinilo nga aluminium foil. Samtang nakuha usab gikan kang Raffy Arcilla Caputol ang 500 pesos lakip na ang pakete nga gipalit sa poseur buyer atol sa buy-bust operation nga anaa sa 0.15 gramos ang timbang ug nagkantidad og 500 pesos.
Balhog na karon sa Aurora MPS ang duha ka mga dinakpan lakip na ang mga nakumpiskang butang ug ang usa ka single motor Kawasaki KLX150 color black/white combination walay plate number alang sa tukmang disposisyon.
