2 ka mga kalabera, nakutkutan sang mga construction workers sa ginatukod nga civic center sa banwa sang Pilar, Capiz

Pilar, Capiz – Nakutkutan sang mga construction workers sa ginapatindog nga civic center sa Barangay Casanayan, Pilar, Capiz ang duha ka mga kalabera sang tawo nga ginapatihan nga ginlubong pa ini sadtong panahon sang mga Katstila.
Nakit-an sang mga trabahante sa amo nga proyekto ang nagalabaw nga tul-an, duha pa gid lamang ka metros ang kadalumon sang ila ginakutkot. Ba-se sa mga estorya sang katigulangan sa amo nga lugar, nagserbe nga garrison sadtong panahon sang Katsila ang lugar nga pagapahamtangan sang ila civic center.
Sa madumduman nga nakakutkuot man sadto sang mga kalabera sa pila ka mga duog sang Barangay Casanayan. Indi pa matumod kon lalaki ukon babaye ang mga nakutkutan nga kalabera.

Facebook Comments