Davao City- Nasikop sa pwersa sa Philippine Drug Enforcement Agency (PDEA11) ang duha ka drug pusher human gikasa ang buy bust operation alas 8:53 kagabii sa San Francisco National High Way Panabo City.
Subay sa report gikan sa PDEA11, giila ang mga dinakpan nga mao sila si Lython Florida, 18 anyos nga taga-Barangay La Libertad Sto. Tomas Davao Del Norte ug Charles Adam Chi, 22 anyos residente sa Barangay Gredo Panabo City.
Narecover gikan sa posisyon sa duha ka mga suspek ang duha ka small plastic heat sealed transparent sachet nga gituohang shabu nga mukantidad og ₱2,000 lakip na ang motorsiklo, cellphone, ug usa ka pouch.
Ang duha ka mga dinakpan anaa na sa detention cell sa PDEA11 ug napasakaan na og kasong pag lapas sa Republic Act 9165 kun Comprehensive Dangerous Drug Act of 2002.
Sumala ni Noli Dimaandal ang spokesperson sa PDEA 11, mas gipakusgan ang intelligence unit sa PDEA ning syudad ilabina sa pagsaulog sa 32nd Kadayawan Festival kay basin musiaw na usab kining mga drug pusher nga mudayo sa Davao City.
Kasamang Don Pulayao
