BARBAZA, ANTIQUE – Patay ang duha ka mga kabataan kag naospital naman ang ila nga iloy sa natabo nga landslide sa Barangay Binanuan, Barbaza, Antique las 3 kaina sang kaagahon, Domingo, July 22.
Sa report sang Barbaza Local Disaster Risk Management Office, nakilala ang mga nagkalamatay nga sanday Rosalia Agapito, 6 ka tuig kag manghod sini nga si Andrew, 3 ka tuig.
Ginpangdala pa ini sila sa Pedro Gindap Municipal Hospital sa Barbaza apang gindeklara nga dead-on-arrival.
Nakaluwas naman ang iloy nga si Tessie, 48 anyos.
Naglab-ot sa 19 ka pamilya ang ginpang-evacuate sa lugar matapos ang makamamatay nga landslide tuga sang wala untat nga bubo sang ulan dala sa gihapon sang habagat. / Photo courtesy of the Municipal Disaster Risk Reduction and Management Office of Barbaza.
