Pangos ug bun-og ang naangkon sa duha ka motorista human aksidenteng nagka pingki-ay didto sa dalang nasyunal sa Brgy. Punta Blanca, Manukan.
Gilangkuban kini sa duha ka motorsiklo nga mao ang Yamaha Sniper gimaneho ni Melvin Dela Rosa, 29 anyos, sakop sa Militart nga taga Camarines Sur ug temporaryong nanimuyo sa lungsod sa Siayan.
Samtang ang laing motor mao ang Yamaha YTX 125 gimaneho ni Gary Buno-an, taga Brgy. Palaranan, Manukan.
Sa imbistigasyon kining Yamaha YTX gikan kini sa tuong bahin sa dalan nga kung diin ang Sniper motor didto usab sa pikas dalan ug didto aksidenteng nagka singki-ay. Maayong pagtumba sa mga motorist hinungdan nga daling gidala sa tambalanan.
Facebook Comments
