Sa interview sa DXDC RMN Davao kang PSMS Ramil Locostales, imbestigador sa Magsaysay MPS, iyahang gisaysay nga nag-uban pa niadtong April 4 ang mga biktimang sila Norhan Alison, 16 anyos, ug Matt Dumalaba, 18 anyos, pulos mga residente sa Central Malamote, Matalam, North Cotabato.
“Nananghid man ‘ni ang mga bata nga muadto sila’g Kabacan kay mutan-aw’g basketball. Unya mao ‘to ang mga ginikanan gi-inform sa mga kagawad pagka-ugma nga kadto ilang silingan na-post man sa social media. Ilaha mang gi-identify. Wala na sila kapa-record,” saysay sa imbestigador.
Sa pagpanubay sa kapulisan, walay record ang mga biktima apan nasayrang dunay kaso ang igsoon ni Dumalaba.
Sa pagkakaron, wala pay matumbok nga suspect ug ma-establisar nga motibo ang krimen. Wala na usab misugot ang pamilya nga ipailawom sa autopsy ang mga biktima tungod sa ilahang tradisyon ug paglubong niini sa mas daling panahon.
RadyoMaN Kirby Manzon
