2 ka opisyal sa Police managlahi ang reaksyon sa pagbalik sa krimenalidad sa syudad

20

General Santos City–Sukwahi ang nahimong reaksyon sa duha ka opisyal sa PNP sa Gensan kalabutan sa issue sa hinay-hinay nga pagbalik sa krimen sa dakbayan human giluagan ang restriksyon sa syudad.

Matud ni Police Captain Brent Ian Salazar , hepe sa San Isidro Police Station nga ang krimen ang dili gayud malikayan bisan asa nga lugar sama sa pagpamusil mahugot man o luag ang pagbantay sa seguridad sa kapulisan.

Sumala pa nga makalusot lamang gihapon ang mga criminal tungod dili man nila himoon ang krimen sa lugar nga dunay pulis kundili didto sa mingaw nga lugar nga walay makakita sa krimen.


Apan gi-angkon niini nga sukad nga gipatuman sa syudad ang estriktong pagpatuman sa pagbantay sa matag lugar sa dakbayan tungod sa bahad sa covid 19 sama sa pagpatuman ug Sunday lockdown ug ang curfew matag gabie ang nakahatag matud pa kanila ug pabor tungod malimitahan ang lihok sa katawhan hinungdan nga maayo ang nahimong dagan sa peace and order sa Gensan niadtong mga nakalabayng binulan.

Samtang alang usab kang Police Lieutenant Omar Barret, Deputy Station Commander sa Bula Police Station gibutyag niini nga ang pagpatuman ug Sunday lockdown, curfew ug hugot nga pagbantay sa mga checkpoint sa syudad ang usa ka factor nga nakahatag ug pabor sa kapulisan gumikan kay nalimitahan ang lihok sa katawhan hinungdan nga maayo ang dagan sa peace and order sa syudad.

Luyo pa man niini padayon nga gapaningkamot ang kapulisan aron maprotektahan ang katawhan sa Gensan, dili lang gayud malikayan nga malutsan sila sa mga criminals tungod pulis ra usab ang gibantayan sa mga nasangpit.(RV)



Facebook Comments