2 ka Ozamisnon nadakpan sa buy bust operation sa Zamboanga del Sur

71

Molave, Zamboanga del Sur – Malampuson nga nadakpan sa otoridad ang duha ka mga suspetsado nga gitoohang nagpayuhot sa ginadiling drogang shabu.
Usa ka hiniusang Drug Buy Bust Operation ang gipahigayon sa mga elemento sa PDEA 10 Misamis Occidental kauban ang PDEA 9, kapulisan sa Molave, OZAMIS ug TANGUB CPS, didto sa Purok Elena, Barangay Sudlon, Molave, Zamboanga del Sur.
Wala na makaipsot na ang target nga nailang si RICARDO SAMSON UY alyas HALAP , 54 anyos , minyo, residente sa Barangay Baybay Triunfo, Ozamis City ug ang kauban niini nga si PRINCESS JERLEN MONTERO GUIEB, 23 anyos, minyo, walay trabaho, taga Malaubang , Ozamis City.
Nakumpiska sa otoridad gikan sa duha ka suspetsado ang napulo ka pakete sa gitoohang shabu nga anaa sa kapin kon kulang 10 gramos nga mokantidad sa 68,00.00 pesos.
Nasayran si Ricardo S. Uy ang adunay warrant of arrest sa RTC Branch 35, Ozamis City sa kasong Attempted Murder nga gipagawas kaniadtonb July 22, 2019 ug adunay piyansa nga 120,000.00 pesos.
Ang duha ka mga nadakpan ang daling gipailalom sa booking procedure ug documentation sa MOLAVE MPS ug human niini gi turned over gidayun ngadto sa PDEA 9 alang sa dugang imbestigasyon ug gikatakdang pasakaan sa kasong paglapas sa RA 9165 kon Comprehensive Dangerous Drugs Act of 2002.
(Photo: PDEA ROIX)

Facebook Comments