Davao City – Gilamoy sa kalayo ang duha ka panimalay sa Purok Pag-asa, Lower Madang, Barangay Central, Mati City, kaganinang alas-7:03 sa buntag, Abril 8, 2025.
Matud sa Local Government Unit of Mati, ang usa ka balay gipanag-iyahan ni Gilbert Awit, Sr., samtang ang laing usa, iya ni Victor Mandagway.
Dali usab nga nakaresponde ang Bureau of Fire Protection (BFP), uban sa tabang sa CDRRMO, Barangay Action Officer, DORECO, PNP, SWAT ug Public Safety Office.
Hinuon walay casualties ug samdan sa maong insidente, samtang ang mga apektadong pamilya giatiman na sa CSWDO alang sa temporaryong kapasilungan ug uban pang panginahanglan.
Gideklara kining fire out, alas-8 sa buntag ug padayon pang ginasuta sa otoridad ang hinungdan sa maong sunog.
RadyoMaN Juna Sombito
Photos: City of Mati LGU
Facebook Comments
