2 KA PINOY PATAY KAG TATLO PILASON MATAPOS NABUNGGUAN SANG TREN ANG KOTSE NGA ILA GINASAKYAN SA NEW ZEALAND

674

Report ni: Jennifer Palomo Debaja

Patay gid ang duwa ka Pinoy kag tatlo ka iban pa ang padayon ginabulong sa ospital matapos ginsalakay sang tren ang awto nga ila ginasakyan sa Bay of Plenty, Pongakawa School Road sa Te Puke, New Zealand.


Sa pahayag ni Philippine Ambassador Jesus Domingo, pakadto kuntani ang mga Pinoy sa ulubrahan sang ginbungguan sang tren sa notorious nga crossing ang ila salakyan mga alas 8:15 kahapon sang aga Hunyo 19, 2019.

Nahibaluan nga nag abot ang mga biktima sa New Zealand sang nagligad lang nga semana bilang fruit picker.

“They were on their way to work apparently. We are in touch with police, employers, relatives. We can’t release their names yet,” pahayag ni Domingo.

Duwa sa mga biktima nga yara sa ospital ang seriously injured samtang yara na sa estable nga kundisyon ang isa pa ka Pinoy.

Dugang pa ni Domingo, iga monitor sang embahada ang sitwasyon sang mga biktima kag ihatag ang ila mga kinahanglanon nga assistance.

Facebook Comments

From Advertisers