Davao City – Personal grudge ug away sa yuta ang duha ka mga ginalantaw karon nga motibo sa pagpusil ug pagkasamaran sa usa ka senior citizen nga si Erlinda Limbaga Jumawid sa Prk 6-A Merville , Barangay Magdum, Tagum City gahapon, Abril 3, 2024.
Kana ang impormasyon nga gihatag sa DXDC RMN Davao gikan kang Police Lieutenant Colonel Jeffrey Latayada, ang Chief of Police sa Tagum City Police Station.
Kahinumduman nga naglingkod lang sulod sa ilang panimalay ang biktima sa dihang kalit mibutho ang suspect ug gisulod ug gipusil siya sa duha kahigayon ug dayong sibat padulong sa wala matinong direksyon.
Sa pagkakaron, padayon pa ang pagpanubay sa kapulisan, sa pagpanuki-tuki sa kasikbit nga mga silingan aron mailhan ang suspect nga naghimo sa maong krimen.
RadyoMaN Ivy Parido
Facebook Comments
