Davao City – Patay ang duha nga pulis sa nahitabong shooting ug hacking incident alas 4:00 sa hapon, July 26, 2023 sa Purok 4, Barangay Lacson, Calinan, Davao City.
Sa report sa Calinan Police Station (PS) nga gihatag sa DXDC RMN Davao, ang mga namatay’ng pulis mao sila PCpl. Mark Anthony Corsino ug PSMS Tito Lague, samtang samaran usab si PCpl. Ken Leo Gumanoy, ug ang mobile driver nga si Donald Ombrete.
Ang namatay nga suspek nailang si Benao Maanib Landas, 29 anyos, minyo ug residente sa Barangay Tamugan, Marilog District samtang arestado ang laing suspek nga si Rico Masacay, 25 anyos, taga Barangay Gumitan, Marilog District.
Sa inisyal nga imbestigasyon, igo lamang miresponde ang kapulisan sa nahitabong kagubot sa maong lugar nga gikalambigitan sa mga lumad.
Sa exclusive interview sa DXDC RMN Davao kang Police Major Ricky Obenza, Station Commander sa Calinan PS, gisaysay niini nga tungod sa engkwentro, natigbasan ang mga police personnel, diin luyo sa pagdepensa sa kapulisan, wala matud pa nadutlan og bala ang mga suspetsado.
“Pag-assist sa atong tropa, nadasmagan sila sa mga suspek nga mga nitibo nga pulahan, naay agimat. Nakapaboto pa ang atoang tropa kaya lang natumba kay dili man gyud madutlan. Hurot ang atong bala kaya naabtan gyud atoang tropa,” sulti ni Obenza.
RadyoMaN Kirby Manzon/RadyoMaN Aimee Guinita
Sa report sa Calinan Police Station (PS) nga gihatag sa DXDC RMN Davao, ang mga namatay’ng pulis mao sila PCpl. Mark Anthony Corsino ug PSMS Tito Lague, samtang samaran usab si PCpl. Ken Leo Gumanoy, ug ang mobile driver nga si Donald Ombrete.
Ang namatay nga suspek nailang si Benao Maanib Landas, 29 anyos, minyo ug residente sa Barangay Tamugan, Marilog District samtang arestado ang laing suspek nga si Rico Masacay, 25 anyos, taga Barangay Gumitan, Marilog District.
Sa inisyal nga imbestigasyon, igo lamang miresponde ang kapulisan sa nahitabong kagubot sa maong lugar nga gikalambigitan sa mga lumad.
Sa exclusive interview sa DXDC RMN Davao kang Police Major Ricky Obenza, Station Commander sa Calinan PS, gisaysay niini nga tungod sa engkwentro, natigbasan ang mga police personnel, diin luyo sa pagdepensa sa kapulisan, wala matud pa nadutlan og bala ang mga suspetsado.
“Pag-assist sa atong tropa, nadasmagan sila sa mga suspek nga mga nitibo nga pulahan, naay agimat. Nakapaboto pa ang atoang tropa kaya lang natumba kay dili man gyud madutlan. Hurot ang atong bala kaya naabtan gyud atoang tropa,” sulti ni Obenza.
RadyoMaN Kirby Manzon/RadyoMaN Aimee Guinita
Facebook Comments
