Davao City – Kasong paglapas sa Republic Act 10591 (Comprehensive Firearms and Ammunition Regulation Act) ang atubangon sa duha ka indibidwal nga nadakpan sa checkpoint sa Barangay Dahican, Mati City, Davao Oriental alas 9:30 sa gabii niadtong Abril 29, 2024.
Sa report sa Mati City Police Station, gipahunong ang duha ka indibidwal sakay sa motor nga walay plate number. Sa pagrekisa sa otoridad, nadiskobrehan nga dunay sulod nga armas ang ilahang dalang sling bag, apan pakyas silang nakapakita og dokumento pagpamatuod sa legalidad sa paghupot nila’g pusil.
Nakuha gikan sa mga suspect ang duha ka .45 kalibre nga pusil nga dunay mga bala, 1 ka magazine nga dunay mga bala, duha ka bonnet, IDs ug uban pang gamit.
Sa pagkakaron, gikustodiya na ang mga dinakpan. Giawhag usab ang publiko nga i-report gilayon sa pulis ang kadudahang mga indibidwal aron malikayan ang nahisgutan sa paghimo og dautan diha sa komunidad.
RadyoMaN Kirby Manzon
Facebook Comments
