Ang mga ulitawo giila lamang sa pangalan nga Alyas Jan, 14 anyos ug Alyas Dandan, 17 anyos.
Sa interview sa DXDC RMN Davao kang Zai Asuncion Canillo, kabanay sa biktimang si Alyas Jan, nagpakaluoy ug naghangyo pa ang iyang pag-umangkon sa suspect apan gipusil gihapon kini partikular na sa dughan.
Sa video usab nga gipadala sa DXDC gikan sa pamilya, makitang mibutho lang og kalit ang naka-bonnet ug naka-facemask nga lalaki ug walay duhang-duhang mibuhat sa krimen.
Gituohang mistaken identity ang gidangatan sa mga batan-on ug dili matud pa muundang ang pamilya sa paggukod ug pagpangita sa suspect hangtod dili makuha ang hustisya.
Samtang sa pagpanubay sa sibyahan sa Babak Police Station, wala pa sila naghatag og sakto ug kompletong impormasyon apan ilang gikumpirma ang insidente ug gipanigurong nagpadayon ang ilang gilusad nga imbestigasyon.
RadyoMaN Ivy Parido
