Malungon, Sarangani Province–Nasikop sa hiniusang pwersa sa Malungon MPS, Provincial Intelligence Branch ug Provincial Public Safety Company ang duha ka mga suspek nga silang Gardo Villavides ‘’alyas Gardo Red’’ 40 anyos, minyo ug mag-uuma ingon man si Jovert Tole’’ alias JOJO’’, 37 anyos, minyo , mag-uuma nga susamang nanimuyo sa Sitio Carillo,Brgy.Malabod,Malungon, Sarangani Province.
Sa report nga nadawat sa Rmn Gensan gikan sa Malungon PNP nasayran nga una nang nasikop ang mga nasampit ala 1:00 sa sayong kabuntagon sa nahisgutang lugar human gi-serve sa kapulisan ngadto kanila nga search warrant no. 19-94 sa justice on wheels nga gipirmahan ni Hon. Judge Oscar Noel Jr., pinetsahan pa niadtong Nov.05, 2019, malampusong nasikop ang duha human nga nakuha sa ilang posisyon ang 12 guage shotgun ingon man lima ka mga buhing bala.
Kahibaloan nga dunay standing warrant of arrest ang mga suspek sa kasong murder frustrated murder, ug homicide ug sa kasamtangan, mag-atubang na usab sila ug kasong kalapasan sa RA 10591 kon illegal possession of firearms.
Sa Karon nagpabiling nagtingkagol sa selda sa Malungon PNP ang duha ka suspetsado. (Reynald Timario)
