Davao City – Kritikal ang kahimtang sa duha ka mga laborer human gipusil sa wala mailhing mga armadong lalaki sa may Tagum City.
Daling gidala sa Regional Hospital sa Tagum ang giila sa kapulisan nga mga biktima nga sila si Jorgeto Macamnetar, 22 anyos ug si Rio Colangco, residente sa may purok 6A sitio Guadalupe, New Corella, Davao del Norte.
Base sa imbestigasyon sa kapulisan, alas 2:50 sa kadlawon samtang gamaneho kining duha ka mga biktima sa usa ka single nga motorsiklo gikan sa siyudad sa Tagum ug paga-abot nila sa may hilit nga bahin nga dalan, kalit lamang silang gipaulanan og bala sa mga armadong lalaki ug naigo sa nagkalain-laing parte sa kalawasan.
Narekober sa Scene of the Crime Operatives kun SOCO ang unom ka basiyo sa bala sa .9 mm nga pistola.
Kasamtangang naghimo na og dugang imbestigasyon ang kapulisan aron masuta og unsay motibo sa pagpamusil ug mailhan ang mga suspetsado.
RadyoMaN Paul Canono
