Sa interbyu sa DXDC RMN Davao kang Police Captain Jocyviel Zamora, Chief of Police (COP) sa Malalag Municipal Police Station (MPS), giila niini ang mga biktima nga sila Christian Jay Gaspar, 7 anyos ug Ken Gaspar, 5 anyos, residente sa nahisgutang lugar.
Matud ni Zamora, posibleng ang granada nakit-an sa mga menor de edad samtang nagdula sa lugar, diin nasayrang ang ilang balay agianan padulong sa usa ka quarry.
“According sa iyang lolo ug sa iyang mama, nagdula-dula ra man daw nang mga bataa. Unya kay wala lagi ang lola (kay) naa sa sulod sa balay (ug) ang lolo naay gitrabaho pud. So, mao ‘to ilaha nalang nadunggan nga naay niboto,” saysay ni Zamora.
Dead on the spot si Christian Jay samtang nadala pa sa Davao del Sur Provincial Hospital si Ken apan kini namatay ra usab. Padayon karong ginasuta sa awtoridad kung asa nakuha sa mga bata ang granada diin matud sa pamilya wala silay posisyon nga unsa mang klase sa eksplosibo.
“Kung naa may mga ingon ana nga mga butang nga makit-an, nanghinaut ‘ta sa atoang mga katawhan nga mo-report gyud sa kapulisan, sa police station kay para matagaan og aksyon,” sulti ni Zamora.
RadyoMaN Kirby Manzon
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
