2 mananagat nga na-rescue sa Indonesia nakauli na sa ilahang pamilya

Davao City – Nakauban na sa duha ka mga na-missing ug na-rescue nga mga mananagat sa mga Indonesian Army sa kadagatan sa Marore Island, Indonesia ang ilahang mga pamilya niadtong Marso 2, 2023.

Giidentipika kining sila Indri Pawi, 52 anyos ug Germinyo Pawi, 32 anyos nga mga taga- Barangay Tinina, Balut Island.

Nagpasalamat ang mga pamilya sa na-rescue na mga mananagat ngadto sa mga sundalong Indonesian ug Navy nga nisalbar sa mga kinabuhi sa duha, sa Philippine Navy nga naka-base sa Marore, Bureau of Immigration, LGU of Sarangani ug sa Philippine Coast Guard.

Pebrero 18, 2023 nanagat ang duha ka mga biktima sa Balut Island apan naigo sa troso ang pump boat hinungdan nga naguba ang stabilizer ug ang makina ug gianod kini sa kadagatan sa Indonesia.

Nakadawat og impormasyon ang Coast Guard Station Davao Occidental gikan kang LT Valens Saneba, Indonesian Border Crossing Officer sa Batuganding, Sarangani, Davao Occidental sa pagka-rescue sa nasangpit nga mga mananagat human kini nangayo’g tabang.

Nitanyag og relief assistance sa na-repatriate nga mga mananagat ang local Government Unit of Sarangani.

RadyoMaN Aimee Guinita