Davao City-Gitunolan na og pasiunang tabang gikan sa City Government of Davao, ang mga pamilya nga apektado sa baha, human namakwit kagahapon adlawa Enero 31, 2024 sa evacuation center sa Barangay Tigatto, Davao City.
Sa interview sa DXDC RMN Davao kang Brgy.Captain Lito Lapitan sa Barangay Tigatto gisulti niya, 2,000 ka individual ang namakwit gikan sa walo ka purok sa sa iyang Barangay.
Dugang ni Lapitan, nitabang na usab ang mga barangay officials sa tulo ka evacuation center sa Purok 1, Uyanguren, Juliville Gym ug Purok 5 sa nasampit nga barangay.
Gipasabot sa opisyal, kung dili pa mag-subside ang tubig dili pa pabalikon ang mga namakwit sa ilang pinuy-anan.
“As usual mao na akong masulti sa mga pamilya nga apektado sa baha mo follow lang ta sa instruction sa City Government inline unsa gusto pod nga ipahimangno nga magbakwit, magbakwit mo”,sulti ni Lapitan.
RadyoMaN Don Pulayao
Facebook Comments
