TACLOBAN CITY -Nabunggo-patay an duha nga minor de edad nga sakay han motorsiklo ha National Highway han Brgy. Rizal, Carigara, Leyte kakulop, July 4.
Dead on arrival ha hospital an 15 anyos nga driver pati na an angkas hini nga 16 anyos. Kritikal naman an kondisyon han usa pa nga angkas nga 15 anyos nga babayi, mga taga Carigara, Leyte.
Nagawas ha inisyal nga imbistigasyon han mga otoridad nga tikang ha eskwelahan an mga biktima ngan tiuli na ha ira panimalay.
Gin-aaligar nag overtake an motorsiklo nga ginsasakyan han mga biktima pero mayada ngayan truck nga naagi ha kaluyo nga lane.
Nasabtan gihap nga waray mga helmet an mga minor de edad.
Ginkilala naman an driver han truck nga hi Joy Magallanes, posible hiya umatubang hin kaso nga Reckless Imprudence Resulting to Multiple Homicide and Physical Injury.
