Dos maga mojer ya sale arestao durante el buy-bust operation ya conduci el maga pulis na Bagong Dalan, Tugbungan del Biernes por la noche.
El maga arestao amo canda Ana Marie Santos y Valis, 51, dalaga y si Charlene Catacutan y Bulat-ag, 40.
Con canda Santos y Catacutan ya aresta el maga pulis del Sta. Maria Police Station banda alas 7:30 del noche.
Maga pulis ya confisca desde na diila possession 3 paquete de shabu y P200 marked money.
Con el dos maga mojeres ya detene na estacion del Sta. Maria mientras con el maga droga ya tene que entrega na propio laboratory.
Maga pulis ta prepara ya el maga caso que ay planta na corte contra con el dos mojer.
Facebook Comments
