*Dos maga mojer quien precura queda “fixer” y ya remeja P5,000 desde con un estudianta quien ta man enroll na Western Mindanao State University del Lunes, ya lleva ya na fiscalia para el plantada de caso.*
*Con canda Corazon Asali y Mejado, 56, viuda, de Campaner Street, Zone III y Edwina Perez y Angeles, 56, casao de Gratitude, Lunzuran, ya aguanta el maga personajes del mencionao escuela despues estos ya demanda cen na cantidad P5,000 con el un 19-año de edad quien ta man enroll na curso de nursing.*
*Asegun con el reclamante junto consu nana, canda Asali y Perez ya ofrese canila servicio para hace de fronto el proceso na enrollment.*
*Pero encabio del diila servicio, ya demanda estos P5,000 desde conel dalaguita.*
*Pero amediante deste, mismo el maga staff del college admission office ya confirma que gende connectao na escuela el dos mojer.*
*Con canda Asali y Perez ya lleva na estacion del pulis para el plantada del caso na corte. *
