2 muerto na lanciada

Muerto el dos persona despues canila ya lancia canila na Tambucho Drive, Canelar del Domingo denoche.
Con el dos victima ya conose el pulis como canda Benjamin Asana y si Raymund Jerano y Tanga,ambos del mencionao lugar.
Mientras con el suspechao ya conose como si Alex Fernandez y Barason, 27, de Cabato Drive, Canelar.
Asegun con el pulis sin bastante rason ya dale encuentro si Fernandez con el dos na camino y derepente ya lang le ya lancia que lancia con estos.
Con el dos victima ya lleva pa na hospital pero nohay simepre salva.
Con el suspechao ya aresta na su casa durante el hot pursuit operation ya conduci el maga pulis na encabesamiento di Major Elmer Solon.
Ya recobri tambien el cuchilyo ya usa na crimen.
Ta cre el maga pulis baho na influencia de droga el suspechao.