General Santos City—samdan ang duha ka mga biktima human gidunggab sa wala pa mailhing suspek samtang nag inum sa tindahan sa may Susana Homes, Barangay Lagao, Gensan.
Mga biktima nailhang silang si Tony Yama, 26, residenti sa Zone 3, Barangay Buayan ug Bensen Kudanding, 25, residenti sa Susana Homes Barangay Lagao. Alas 11:00 ang takna sa gabie samtang ang mga biktima nag inum daplin sa dalan atubangan sa usa ka ka tindalan dihang miagi ang grupo sa mga batan-on.
Walay sulti-sulti, muduol ang mga suspek dayon gidunggab ang mga biktima. nakaangkon ug samad sa kamot ug likod nga bahin ang mga nasangpit kansa daling gidala sa Dr. Jorge Royca Hospital samtang ang mga suspek paspas nga nakasibat human sa pagpanunggab.
Sa inisyal nga imbistigasyon sa kapulisan gibutyag nga posibling natripan lang sa mga suspek ang mga biktima.
