2 nga jail guard nagpagawas hin mga preso ha Leyte Provincial Jail, arestado

1215

Arestado an duduha nga jail guard matapos magpagawas hin tutulo nga preso tikang ha Leyte Provincial Jail nga waray katugutan o order tikang ha korte.
Nakakarawat hin impormasyon hi PCSupt. Gilbert Cruz, PNP Regional Director nga mayada tulo nga preso ngan duha nga jail guard an sakay han usa nga kotse nga tikang ha Alang Alang, Leyte tikadto na ha Palo, Leyte.
Nagdumara hin checkpoint o Entrapment Operation an sta. Fe PNP ngan PNP region ngan nadakop na ini nga mga suspek.
Ginkilala an duduha nga jail guard nga hira Roy Tiozon Closa, 40 anyos, mayada live-in partner ngan residente ha Brgy. Palale II, McArthur, Leyte ngan hi Geofrey Jesher Padagdag Eslera, 33 anyos, may asawa ngan residente ha 774 New Road Barugo, Leyte.
Ginkilala naman an tulo nga preso nga hira Benjamin Abarca Elardo, 29 anyos, waray asawa ngan residente ha Brgy. Cavite West, Palo, Leyte ngan hi Claro Advincula Cinco, 29 anyos, waray asawa ngan residente ha Brgy. Brigada, Tolosa, Leyte. Ini nga duduha in may kaso nga may kalabutan ha illegal nga droga. Ginkilala an usa pa nga hi Antonio Igting Mindol, 57 anyos, mayada live-in partner ngan residente ha Brgy. San roque, Tolosa, Leyte.
Sumala kan PSInsp. Shenna Layog, Chief of Police han Sta. Fe Leyte, kanan Provincial Jail bihikulo o service an gamit han nasabi nga mga jail guard.
Gintistingan naman han RMN News team pagtawagi hi Leyte Provincial Warden Brendon Gamez para makuhaan hin pahayag pero unattended an cellphone hini.
Samtang narecover tikang ha mga suspek an upat nga cellphone ngan usa nga kalibre .45 nga pusil.
Plano nga pasakahan hin kaangayan nga kaso an duduha nga jail guard ngan an tutulo nga preso.
Ha pagka yana, an mga suspek in aadto ha kustodiya yana an Sta. Fe PNP.

Facebook Comments