TACLOBAN CITY – Nagdumara hin buy bust operation an Philippine Drug Enforcement Agency o kun PDEA ha Recta street Brgy. Poblacion Kananga Leyte.
Sumala han PDEA, arestado an mga suspek nga hira Angelo Cesar Pitos, 20 anyos, waray asawa ngan residete haIindaydora St. UrbanPoor Brgy. Poblacion han mao nga bungto ngan hi Klient Jake Segarino, 18 anyos, waray asawa, ngan residente ha Sitio Tabunok Brgy. Poblacion han mao nga bungto.
Napalit han poseur buyer han PDEA tikang ha mga suspek an 10 nga small heat-sealed sachet han gin aaligar shabu nga may kabug-at nga punto 5 gramo.
Maatubang hi Pitos hin kaso nga Sale ngan Possession of Dangerous Drugs ngan hi Segarino naman in maatubang han section 26 han dangerous drugs.
Igindara na an mga suspek ha PDEA ngan paslak na an mga ini ha detention facility.
