2 nga minor de edad nga babayi, gin gang-rape han mga minor de edad nga kalalakin-an

TACLOBAN CITY – Gang rape an natabo han usa nga 12 anyos ngan 13 anyos nga ginbuhat han unom nga minor de edad nga mga kalalakin-an ha Mayorga, Leyte dida han October 2, 2018.

Subay han report tikang ha Philippine National Police (PNP) ha Mayorga, nagcutting classes an magkralasmeyt nga mga suspek ngan biktima kun diin hira in umagi ha luyo nga pader han eskwelahan ngan didto gihap natabo an panlugos.

Nabaruan han RMN nga grade 7 pala an mga ini ngan mga magsarangkay.


Usa nga video footage han panlugos an kumalat ha eskwelahan sanglit an mga kag-anak han mga minor de edad nga babayi nabaraka ngan ginkasuhan an mga minor de edad nga mga suspek.

Ha ginbuhat nga examination han doktor, positibo man gud nga ginlabtan an duha nga minor de edad nga babayi.

Dida han February 6, 2019, nalusaran han korte hin kaso nga rape an duha nga 16 anyos nga lalaki tungod nga sumala han korte, may mga buot ngan maaram na an duha nga lalaki han ira ginbuhat.

Gindara ha Bahay Kalinga ha Abuyog, Leyte an mga suspek tungod nga minor de edad an mga ini.

Facebook Comments