TACLOBAN CITY – Ginpalusaran hin warrant of arrest han Municipal Trial Court han Carigara, Leyte an ira Vice Mayor ngan Councilor tungod han kaso nga falsification of private documents.
Gin-issue an warrant of arrest kontra kan Vice Mayor Mildred Modesto ngan Councilor Rachel Makabenta.
Ginkompirma naman han Police Regional Office 8 nga an duha nga opisyal in sumurender kakulop han kulop lunes, Marso 25 ha ira police station ngan nagbail hin nagkakantidad P36,000.00 each.
An korte in nag issue hin warrant of arrest matapos an usa kabulan nga hi incumbent Carigara Leyte Mayor Eduardo Ong, Sr. in nagpasaka han nasabi nga kaso kontra kan Modesto ngan Makabenta.
Hi Modesto in nadalagan utro ka Vice Mayor kontra kan Eduardo Jr. samtang hi Makabenta in nadalagan ka Mayor kontra kan Eduardo Sr.
Gin-aaruan hin komento han RMN pati na an iba nga taga media hi Modesto ngan Makabenta tungod han kaso, pero waray hira oras para han media interview tungod nga busy daw hira hin pamirma hin mga dokumento ngan committee meetings sumala han usa nga legislative staff.
Sumala naman kan former Carigara Councilor Dennis Garay, tagapagyakan han pamilya Ong, positibo hira nga igbabasura han Comelec an disqualification cases nga ginpasaka nira Makabenta ngan Modesto kontra ha mag-amay nga Ong.
“The disqualification cases on grounds of residency appears to be products of respondents’ indiscretions. This is a betrayal of a former political ally since in the past two elections, Makabenta endorsed the candidacy of Eduardo Sr.,” Garay told reporters.
