TACLOBAN CITY – Arestado an duha nga drug personality ha ginbuhat nga buy-bust operation han PDEA Region 8 ha Brgy. 109-1 V&G Subdivision Tacloban City.
Ginkilala an mga suspek nga hira Arnaldo Beltran, 33 anyos ngan residente ha Phase 3 eExt V&G Subdivision Brgy. 109 Tacloban City, ngan hi Ernest John Condalor, 33 anyos, nga residente han Brgy. 100 San Roque Tacloban City.
Narikupo ha duha nga suspek an 2 ka sachet han gin-aaligar shabu nga may kabug-at nga .37 ka gramo ngan may estimate value nga P1, 850.00
An duha nga suspek in papasakahan hin kaso ha pagtalapas han section 5 sale on dangerous drugs, section 11 possession of dangerous drugs ngan section 26 article II han RA 9165.
An suspek in temporaryo na nga nakadetine ha PDEA RO8 detention facility.
