Davao City – Duha ang patay, usa angol sa miyembro sa New People’s Army (NPA) atol sa nahitabong engkwento tali sa militar alas-11:55 sa buntag kagahapong adlawa (September 9, 2020).
Sa interbyu sa DXDC RMN Davao kang Police Major Jake Goles, Calinan Police Station Chief of Police, gibutyag niini nga mi-ulbo ang giyera sa dihang naka- engkwentro sa mga sakop sa Scout Platoon/HHC/27 sa Philippine Army, ang mga armado’ng sakop sa Guerilla Front 55, Sub-Regional Committee 5, Southern Mindanao Revolutionary Committee (GF55, SRC 5, SRMC).
“Dalawa ‘yung body count (patay), kalaban na na-rekober nila, may isang wounded na babae. Tapos, lima ka baril yung initial na nakuha nila sa encounter site,” saysay ni Goles.
Gilayong gihimo ang clearing operation human sa sunod-sunod nga duha ka oras nga engkwentro sa lugar sa posibleng Improvised Explosive Devise (IED) nga anaa sa area diin nakuha usab human sa engkwentro, ang lima ka mga high-powered firearms, gilangkuban sa usa ka M14, tulo ka M16 ug usa ka M13.
Gikompirma ni Goles nga walay sakop sa militar, ang namatay o na-angol sa insidente ug wala usa’y civilian nga napagan tungod kay hilit ang lugar sa natigayong panagsangka.
RadyoMaN Kirby Manzon
