Duha pa ka mga eskwelahan sa Koronadal City ang magaimplementar sang limited face to face classes.
Suno kay Koronadal City Schools Division Supt. Crispin Soliven ang nasambit nga mga eskwelahan amo ang Ulomlao Elementary School kag Salkan Elementary School.
Natalana naman nga magaumpisa sa masunod nga semana suno sa iya ang implementasyon sang limited face to face classes sa nasambit nga mga eskwelahan.
Angot sini, ginpaidalom na sa orientation ang mga ginikanan sang mga estudyante sang Salkan Elementary School bilang kabahin sang preparasyon sang pilot testing sang limited face to face classes.
Nahibaluan nga una nga gin-implementar ang limited face to face classes sa Nelmida Elementary School sa Koronadal City.
Ginpahayag ni Sir Soliven nga nangin tayuyon man ang implementasyon sang limited face to face classes sa Nelmida Elementary School kag nagapabilin nga COVID free ang mga nagapartisipar nga mga estudyante kag ang mga manunudlo sa nasambit nga eskwelahan.
