2 pa ka miyembro sa NPA misurender sa Sultan Kudarat

30

Sultan Kudarat—Tungod sa sunod sunod nga military operation sa kabukirang nga bahin sa Sultan Kudarat, laing duha ka mga miyembro sa communist terrorist group ang misurender sa sabakan sa gobyerno. Giila ni WestMinCom Commander Lt. Gen. Corleto Vinluan, Jr., ang mga mitahan sa ilang kaugalingon nga silang Alyas Jonathan/Atan ug alyas Umpak/Michael, susamang miyembro sa East Daguma Front, Sub-regional Command Daguma, Far South Mindanao Region ilawom ni Arthuro Arsigan, Alyas Macmac.

Misurender ang duruha sa 7th Infantry Battalion sa Barangay Kalawag 2, Isulan, Sultan Kudarat niadtong nakalabayng adlaw. Bitbit sa mga nasangpit sa ilang pagtahan ang usa ka unit sa M1 Garand rifles (Springfield) nga giconvert sa M14 rifles. Rason sa pagsurender sa mga nasangpit mao ang tumang kagutom ug kakapoy sa pagtago-tago sa tropa sa militar tungod sa sunod-sunod nga military operations ug airstrikes.


Matud kang alyas Umpak nahadlok siya nga mapatay sa padayon nga operasyon sa pwersa sa militar mao nga siya nidesisyon nga motahan nalang. Kalabutan niini matud ni Brig. Gen. Roy Galido, 601st Infantry Brigade Commander nga i-enrol sa reintegration program sa gobyerno ang duha aron nga dili na maawhag pa nga mobalik sa pagsalmot sa walhong pundok.
Credit: Westmincom

Facebook Comments