Duha ang ginpatihan patay kag 17 ang pilason sa mass stabbing nga nagluntad malapit sa Tokyo, Japan.
“One man, and one female child are showing no vital signs,” ang pahayag ni fire department official Yuji Sekizawa.
Nakabaton sila sang emergency call las 7:44 sang aga sa diin ginapahayag mga kabataan ang una nga ginpangbuno sang suspek nga lalaki.
Suno sa NHK, 3 ka mga biktima ang ara karun sa kritical nga kondisyon.
Natabo ang insidente sa bus stop sa Kawasaki, Japan sa diin ginapahayag nga ang suspek armado sang duha ka matalum nga kutsilyo.
Ginbuno sini ang kapin 15 ka mga biktima sa wala pa mahibaluan nga rason. Kalabanan diri ang mga kabataan.
Matapos ang insidente, ginbuno man sang suspek ang iya kaugalingon.
Ang lalaki nga suspek nga wala pa matumod ang identity ginabanta naga-edad sang 40 ukon 50.
Photos via AFP
