Davao de Oro – Patay ang duha ka miyembro sa Special Partisan Unit (SPARU) sa New People’s Army human gika-engkwentro ang mga sakop sa kasundalohan ilalom sa 71st Infantry Batallion (IB) Phil.Army ug Pantukan Municipal Police Station sa Barangay KingKing, Pantukan, Davao de Oro.
Ang namatay giila nga sila si Alias “Gadong”, 37 anyos, residente sa sa Purok Gemelina, Homelot, Barangay KingKing ug alyas “Ranil”, nagpuyo sa Brgy. Pintatagan, Banaybanay, Davao Oriental, samtang naangol si Private First Class (PFC) Ibarra, ug usa ka CAA Member pulos sakop sa 71st IB.
Sumala sa report, sakay sa motorsiklo sila si PFC Ibarra ug usa ka sakop sa CAA pauli sa ilang panimalay kalit nga giatake sa mga suspek hinungdan nga nasamdan ang duha.
Apan paspas miresponde ang tropa sa 71st IB ug Pantukan PNP samtang padulong na mosibat ang duha ka rebelde hinungdan sa pagsinukliay sa bala nga miresulta sa kamatayon sa duha samtang mga naangol daling gidala sa duol nga tambalanan.
RadyoMaN Jules Catisay
