Duha patay 4 pilason sa away pamilya bangud gid lamang sang kumplikto sa kanal may mga las 8:30 kagab-i sa Purok Punay, Brgy. Mansilingan, Bacolod City.
Nakilala ang mga nagkalamatay nga sanday Riza Bonghanoy, 38 anyos kag Denmark Duerme, 27, lunsay pumuluyo sang amo nga lugar.
Nasamaran naman sanday Samuel Bonghanoy, 40 anyos, Dennis Duerme, 50 anyos, Justine Duerme, 24 anyos kag Jino Duerme, 21 anyos.
Suno sa imbestigasyon sang pulis, ang pamilya Bonghanoy ang naghimo sang drainage agud didto maderecho ang tubig nga nagahalin sa ila tarug, apang ini ang naga-agi sa ugsaran sang pamilya Duerme nga wala naman nila gina-kumpurmihan.
Ginpahayag sa imbestigasyon nga gintampukan sang mga Duerme ang buho nga ginhimo sang mga Bonghanoy rason nga ini sila ang naglinalisay tubtub nga ini sila ang nag-ilinaway kag nag-rambol.
Ang napatay nga si Riza nag angkon sang pilas tuga sang paglabo sa iya tiyan kag kamot si Denmark may pilas man sa iya dughan samtang ang pilason padayon ginabulong sa regional hospital.
[image: image.png]
