2 patay, 8 ka miyembro sang Philippine Army pilason sa engkwentro batok sa New People’s Army sa Kabankalan City

Kabankalan City, Negros Occidental – Patay ang duha ka miyembro sang Philippine Army sa ingkwentro batok sa New People’s Army sa Barangay Tan-awan, Kabankalan City, Negros Occidental kahapon sang aga, Mayo 12.

Ginkilala ang mga ini nga sanday Sgt Sandy Arevalo kag Pfc Vicente Marcon.

Pilason naman ang walo nila ka mga kaupdanan nga amo sanday Sgt Niño Nabaunag , Pfc Michael Besana , Pfc Voltair Catamin, Pfc Angelito Bariga , Pfc Kenneth Cerbo , Pvt Ryan Las Piñas , Pvt Joven Taghap kag Pvt John Daryle Delgado.


Suno kay Brigadier General Eliezer Losañes, commander sang 303rd Infantry Brigade sang Philippine Army, may ginpatigayon nga combat operation ang mga suldado angut sa Barangay kag Sanguniang Kabataan Elections sang ila na-engkwentro ang masobra 60 ka miyembro sang NPA.

Suno naman kay Capt. Ruel Llanes sang 303rd Infantry Brigade sang Philippine Army, nagdugay sang duha tubtob tatlo ka oras ang encounter kag nagpalagyo ang mga NPA sa Barangay Buenavista.

Santo naman sa ginpagwa nga mensahe sang NPA, natabo ang insidente sa Sitio Bunsad, Brgy. Buenavesta, Himamaylan City kag naglawig sang 30 minutos ang pagbayluhanay sang lupok.

Ila man ginakabig nga madinalag-on ang ila pag-ambush sa mga katapo sang Philippine Army bangud wala sang may nasamaran sa ila grupo.

ctto

Facebook Comments