Dos maga pescador ta usa denamita na pescada ya sale arestao na mar del isla de Sta. Cruz del Domingo denoche.
Con el dos pescador ya conose como canda Sammy Adjarail, 45, casao y Gallum Sali Adjarail, 25, soltero, ambos de Buggok, Sta. Catalina.
Na report ta aparese mientras na detachment el maga miembro del Citizen Armed Forces Geographical Unit (CAFGU) ya oyi sila explsion desde na mar banda alas 7:30 del noche.
Cuando ya responde el maga CAFGU na lugar, ya columbra sila con el dos pescadir muntao na un pumpboat.
Durante el interrogacion conel dos, maga CAFGU ya encontra dos maga improvise explosive o denamita ta usa na pescada.
Con el dos pescadir ya conduci na estacion del pulicia para el propioplantada de caso na corte.
Facebook Comments
