Digos City – Inay motahan, misukol ang duha ka mga drug pushers atol sa gihimong drug buy-bust operation sa Digos City, Davao del Sur resulta sa ilang pagkamatay.
Sa report sa Philippine Drug Enforcement Agency (PDEA-XI), naila ang mga target sa operasyon nga mao sila Ernie Dave Tan, alias “Dave” ug Erwin Quijano, alias “Tisoy”. Nahitabo alas 11:30 sa buntag niadtong Miyerkules (September 16, 2020) sa Purok Kalumpang, Barangay Punta Biao, Digos City, Davao del Sur.
Namatikdan sa duha nga usa ka buy-bust ang nahitabo’ng operasyon rason nga mikuha kini sa ilang pusil ug misulay og sukol hinungdan nga nahitabo ang binay-luay sa bala. Gisulayan pa sila’g dala sa hospital apan gideklara na sila nga dead on arrival.
Upat ka mga pakete sa shabu ang nakuha atol sa operasyon nga motimbang og sais (6) gramos nga mokantidad og P96,000.
Padayong pahimangno sa kapolisan nga undangon na ang maong dautan nga binuhatan aron dili na moresulta sa disgrasya.
RadyoMaN Kirby Manzon
