Sa magkasunod na manhunt operations na isinagawa ng Criminal Investigation and Detection Group (CIDG), nadakip ang dalawang ‘Regional Most Wanted Persons’ ng Polomolok, South Cotabato.
Kinilala ng CIDG ang mga naarestong suspek na sina Amor Canete dela Cruz, na tinaguriang No. 1 Regional Most Wanted Person, No. 7 Provincial MWP, at No. 4 Municipal MWP sa Polomolok at si Eddie Sabuso Tolentino, na No. 7 Regional MWP, No. 4 Provincial MWP, at No. 5 Municipal MWP sa Polomolok, South Cotabato.
Nabatid na si Dela Cruz ay may kinahaharap na 4 counts ng sexual assault habang si Tolentino naman ay may nakabinbin na kasong rape kung saan walang piyansang inirekumenda ang korte.
Sa ngayon, hawak na ng CIDG ang mga suspek para sa proper documentation at disposition bago ibalik sa korte ang kanilang warrant of arrest.
