Unang aksidente nahitabo sa Crossing Gabi, Compostela, Davao de Oro, diin nabanggan sa rider nga si Frederick Yap, 26 anyos, taga General Santos City, ang usa ka lalaki nga kalit lang nga mitabok sa dalan.
Nasayrang adunay problema sa pangdungog ug dili makaistorya ang biktimang lalaki. Gilayong gidala sa ospital ang duha nga nakahiagom og minor injuries, ug nagka-settle ra usab.
“Actually, concern gani tong rider sa nabanggaan. Wala man goy serious nga injuries both sides,” sulti ni Fire Senior Inspector Patricio Brañanola Jr, sa Bureau of Fire Protection (BFP) nga maoy nagresponde sa insidente.
Samtang, sa Padada, Davao del Sur, usa ka Jovelum Mangudadatu, 32 anyos nga taga Marbel (Koronadal), South Cotabato ang nadisgrasya human nabanggaan niini ang bao-bao sakay ang 5 ka pasahero, rason sa iyang pagkalabay sa kilid sa dalan. Naigo sa kabilya ang rider hinungdan nga nakahiagom kini’g injuries.
“Kadtong rider, mi-overtake pud sya sa gutter banda na, sa outer lane. Although, nag-menor na tong nag-una sa iyaha. Ni-overtake sya pa-outer (lane), mao ‘to nga nagkabulagaan gyud sila (sa bao-bao),” sulti ni Police Captain William Catipay, Acting Chief of Police sa Padada Municipal Police Station.
Nagkasinabot ra usab ang matag kampo ug mipasalig ang pamilya sa rider nga tubagon ang pagpatambal sa mga pasaherong nagbaton usab og minor injuries.
RadyoMaN Kirby Manzon
