Sa interview sa DXDC RMN Davao kang Police Major Nidzfar Mangkabong, Acting Chief of Police sa Asuncion MPS, iyahang gibutyag nga nadakpan na si Bonifacio Masayang Bilanda alyas Bony, taga Panabo City ug usa ka 17 anyos nga lalaki nga anaa sa kustodiya sa Department of Social Welfare and Development (DSWD).
Samtang padayon na karong ginapangita ang nahibiling nakapuga nga si Sanny Alimao Pangias, taga Asuncion, Davao del Norte
Matud ni Nidzfar, duna na silay mga impormasyon alang sa daling pagsikop sa nahibiling at large.
Nasayrang dunay P40,000 reward money ang matag dinakpan, diin ang kwarta gikan sa lokal nga panggamhanan ug sa uban pang stakeholders.
Nagpasalamat usab ang kapulisan sa padayong pagsuporta sa publiko sa kampanya batok kriminalidad.
RadyoMaN Kirby Manzon
