Positibo nga gintudlo sang 13 anyos nga biktima sang gang rape sang ginpresentar sang mga pulis ang duwa sa tatlo nga nadakpan nga suspek.
Nahibaluan suno sa amay nga nadula ang iya bata nga 13 anyos sang duwa ka adlaw kag sang pag pauli sang bata sa ila balay, nanugid ini sa iya amay nga ini siya ang ginbulos-bulosan lugos sang tatlo ka mga suspek.
Suno sa kapulisan natabo ang gang rape sang tinalikdan nga adlaw sa isa ka baranggay sakup sang ciudad sang Iloilo. Ara karon sa paghinakop sang Women and Children’s Protection Desk (WCPD) ang biktima lakip man ang mga suspetsado.
Sa sini nga balita hungod nga gintago sang RMN Iloilo ang identity sang biktima, mga suspetsado kag lugar bangud sensitibo ini nga kaso agud ma-amligan ang mga natungdan bangud lunsay mga menor de edad.
