2 sa lima ka suspek nga mipatay sa 3 ka biktima atol sa riot-sikop

119

General Santos City—balhog na karon sa silda sa Tambler Police Station ang duha sa lima ka mga suspek nga responsabli sa pagpatay sa 2 ka mga batan-on atol sa nahitabong riot sa Prk. Green Vill. Barangay Calumpang niadtong June 24, 2017.

Mga suspetsadong nadakpan nailhang silang si Jomar Umbahin, legal age ug Dindo Remulta, legal age pulos residenti sa Prk. Magnolia, Barangay Calumpang ning syudad.

Una nang nasikop ang mga nahisgutan sa maong lugar niadotng nakalabayng adlaw pila ka adlaw human nahitabo ang riot sa Prk. Green Vill nga gikamatay sa tulo ka mga biktimang silang si Alias Josilito, 16 anyos, estudyante ug residenti sa samang Prk. ; Alias Raymark, 15, residnti sa Prk Felomina ug Christian Tamiolong, 19, residenti sa samang Barangay.


Sumala ni Police Chief Inspector Chris Tio Lagyop, Hepe sa Tambler PNP nga ang duha derektang gitudlo sa mga testigo nga apil sa mipatay sa mga biktima.

Hugtanon usab nga gihimakak sa duha ka mga suspek ang aligasyon. Sumala ni Jomar nga dihang nahitabo ang Riot sila anaa sa lugar nag inum. Gani ila pang gipasidan-an ang biktimang si Christian nga dili muapil apil sa maong riot.

Dihang mibuto-buto na ang pusil nga gigamit sa mga miyembro sa mga Batang “SUKARAP” didto na sila nakiosyoso apan sila nakalitan dihang naapil na nuon ang ilang pangalan sa lima ka mga suspek nga gipangita sa kapulisan.



Gihingusgan usab ni Dindo nga sila dili miyembro sa Batang Sukarap, sila nagtrabaho matud pa isip mga mananagat. Naatlan lang nga sila anaa sa lugar dihang nahitabo ang riot, gani iyang giklaro nga wala sila gisikop inay sila mismo ang nahidangat sa Tambler Police Station aron klarohon nga dili sila apil sa krimen apan sila gibalhog na hinuon ug gipasakaan ug kaso.

Dugang pa ni Dindi nga ila nalang gitugyan sa labawng makagagahum ang tanan ug sila nanghinaot nga mapamatud-an nga sila enosente sa akusasyong pagpatay sa tulo ka biktima.


Facebook Comments