BACOLOD CITY – Nag-angkon sang menor gid lamang nga kasamaran ang duha ka pasahero sang isa ka tricycle sa natabo nga vehicular accident las 4:45 sini gid lamang nga kaagahon sa area sang Makiling Street sa Brgy. Villamonte, Bacolod City.
Ang aksidente naga involve sang isa ka Isuzu Alterra nga gina-maneho ni Alex Patalinjog, 18 anyos ang edad, tumandok sang Cebu kag sang isa ka tricycle nga gina-dala naman sang driver nga si Disdodado Gaballero, legal ang edad kag pumuluyo sang Bacolod.
Suno sa imbestigasyon, ang tricycle ang naghalin sa Sibucao, Banago kag makapakadto kuntani sa Brgy. Handumanan sakay ang duha ka mga pasahero nga may karga nga isda sa direksyon nga West to East.
Samtang ang Alterra naman naghalin sa Sur nga bahin pakadto sa norte agud kuntani magpauli na sa Silay City sakay ang isa niya ka upod nga babayi.
Sa pag-abot sa amo nga area didto kag natabo ang aksidente nga nagresulta naman sa pagkasamad sang duha nya ka pasahero sang traysikol.
Gindala sa Corazon Locsin Montelibano Memorial Regional Hospital ang am nga mga pasahero samtang wala naman nasamaran ang mga driver./dyHB BACOLOD
