Sa interbyu sa DXDC RMN Davao sa Carmen Municipal Police Station (MPS) ang maong kaso atubangon sa usa ka Raphen Magbanua, 27 anyos, residente sa Barangay Kimamon, Santo Tomas, Davao del Norte.
Ang mga biktima nailang sila Margin Calamba, lalaki, 62 anyos, minyo, ug si Remedios Sarte, 68 anyos, minyo, pulos mga residente sa Manyaki, Tibungol, Panabo City.
Sa imbestigasyon, gikan Panabo ug padulong sa Carmen ang van. Pag-abot sa lugar sa Barangay Sto. Niño, mao say pagpanabok sa duha ka seniors rason nga sila nabangaan ug nakahiagom og serious injuries.
Gilayong gidala sa ospital ang nahisgutan apan dead on arrival ang lalaking biktima samtang nakabsan ra usab sa kinabuhi samtang ginatambalan ang biktimang babaye.
Subling nangpahimangno ang kapulisan sa mga motorista sa traffic rules and regulasyon aron malikayan ang unsa mang insidente sa dalan.
RadyoMaN Kirby Manzon
