Sa pakighinabi sa DXDC RMN Davao kang Police Lieutenant Colonel Gomersendo Diwata, Chief of Police sa Compostela MPS, iyang gisaysay nga subay sa ilang pag-imbestiga, giingong adunay relasyon ang duha ug tataw na ang ilang ginahimo kun public display of affection, rason nga gipatawag na sa eskwelahan (guidance office) ang ilang mga ginikanan.
Niadtong September 13, 2023 sa dihang gipatawag ang ginikanan sa estudyanteng pulos 17 anyos nga si alyas Mel samtang naka-schedule usab nga ipatawag ang ginikanan ni alyas Karen pagka-ugma. Apan, gabii niadtong September 13 nakit-an na lamang ang duha nga misakay na og bus sa terminal sa Compostela nga rutang pa-Tagum, Davao del Norte.
“Gibalaan na to sila nga kung ipadayon nila ang kadto nga ginabuhat nila, ipatawag ang ilahang mga ginikanan. Then, nagbanta na to sila nga kung ipatawag gyud ang ilahang mga ginikanan, silang duha manglayas. Mao to ilang gina-ingon, according sa mga na-interview namo didto,” saysay sa pulis.
Matud sa police official nga matud sa pamilya, adunay higayon nga active ang duha sa ilang social media apan i-off ra usab dayon, nga maoy nakapabalaka sa ilang mga ginikanan.
RadyoMaN Kirby Manzon
