ZAMBOANGA CITY—Dos maga menor edad ya comete el suisidio na dos separao incidente aqui na ciudad.
El primer incidente ya sosede na Purok 1, Malagutay del dia pasao donde el victima amo si Royette Kim Reconall y Saldivar, 13 año de edad.
Asegun conel maga pariente del solterito ya comete este el suisidio pormedio de culgar despues ya puede este hace perde el ATM card del su aguela y ya tene tambien este problema na escuela.
Con Royette ya precura pa lleva cohre na ospital pero ya declara con este el doctor muerto o dead on arrival.
El otro semejante incidente ya sosede na barrio de Sta. Catalina. El incidente ya descubri enantes aga donde el victima amo si Melborn Coraje y Palma, 15 año de edad y un martial artist.
Na report del pulis ta aparese con Melborn ya descubri muerto y culgao adentro del pusento enantes aga.
Asegun anoche ya pidi cen si Melborn consu mayors na cantidad de P2,500 para pagan a martial art club donde le ta aprende carate pero nohay este dale su tat-y-nana el cosa le ta pidi.
Enantes aga ya sale ya lang sorpresao su familia cuando ya mira con Melborn culago ya adentro del su pusento. – Dan Toribio
