Davao City – Gikasohan na sa Baliok Police Station, ang duha ka street level individual human nadakpan sa drug buy bust operation sa Block 26, Lot 3, Rosalina 3, Barangay Baliok, Davao City niadtong September 20, 2023, alas 6:00 sa gabii.
Sa interview sa DXDC RMN Davao kang Police Major Romeo Mapanao, Station Commander sa Baliok Police Station gisulti niya, kasong kalapasan sa RA 9165 o Comprehensive Dangerous Drugs Act of 2002 ang gipasaka sa korte batok sa mga dinakpan nga sila Eairven Jhames Ampalid, alias ‘Ervin’, 21 anyos ug Edward John Ampalid, 27 anyos, parehong residente sa nasampit nga barangay.
Narecover sa kapulisan gikan sa duha ka dinakpan, ang lima ka pakete nga gituohang shabu ug usa ka rectangular self-sealing plastic transparent adunay sulod nga pinaugang dahon sa marijuana.
Ang shabu motimbang sa 2.5 grams nga mokantidad og P17,000.00, samtang ang marijuana motimbang sa 5 grams nga mokantidad og Php 600.00.
RadyoMaN Don Pulayao
Facebook Comments
