Manila, Philippines – Sugatan ang dalawa katao matapos masunog ang tatlong kabahayan sa Santa Ana, Maynila.
Nagtamo ng first degree burn sa kaliwang kamay ang biktimang si Tristan Pampillo, 33-anyos habang nasunog ang bahagi ng hita at kamay ni Gomer Morales, 67-anyos.
Ayon sa Bureau of Fire Protection (BFP), nagmula ang sunog sa bahay ng isang pamilya Castrillo.
Itinaas sa ikalawang alarma ang sunog bago tuluyang naapula bandang 3:30 ng hapon.
Patuloy namang inaalam ang sanhi at kabuuang danyos sa sunog.
Facebook Comments
